*IBYANGOMBWA BISABWA K’UMWALIMU USHAKA KWIMUKA AVA MU KARERE KAMWE AJYA MU KANDI*

*STATUS YIHARIYE Y’UMWALIMU YASOHOTSE KUWA 16/3/2020*

*INGINGO YA 54: Gusaba iyimurwa*

Umwarimu wifuza gusaba kwimurwa ava mu Mujyi wa Kigali cyangwa Akarere ajya ahandi,cyangwa guhindura ikigo cy’ishuri atanga ibi bikurikira:

1°ibaruwa ibisaba yandikirwa Umuyobozi w’Umujyi wa Kigali cyangwa w’Akarere w’aho ishuri yigishamo riherereye.iryo saba rikorwa nibura hasigaye ukwezi kumwe kugirango umwaka w’amashuri urangire.

2°icyemezo cy’uko yagize amanota y’isuzumamikorere atari munsi ya Mirongo irindwi ku ijana(70%)mu mwaka w’amashuri atangiyemo ubwo busabe;

3°icyemezo cy’uko afite imyitwarire myiza mu kazi gitangwa n’umugenzuzi w’uburezi ku rwego rw’umurenge amaze kugisha inama Umuyobozi w’ishuri Umwarimu yigishamo.

4°icyemezo gitangwa n’umuyobozi w’Umujyi wa Kigali cyangwa w’Akarere w’aho ishuri yifuza kujya kwigishamo riherereye kigaragaza ko aho yifuza kujya kwigisha Hari umwanya.

5°icyemezo gitangwa n’umuyobozi w’ishuri yigishamo kigaragaza ko aho yigisha ntacyuho kizahasigara mugihe yaba yimuwe.

*Ingingo ya 56:Igihe cy’iyimurwa ry’umwarimu*.

Umwarimu ntashobora kuva mu Mujyi wa Kigali cyangwa mu karere ngo yimurirwe ahandi,mbere y’uko umwaka w’amashuri urangira.Icyakora, umwarimu ashobora kwimurwa atabisabye,bikozwe n’umuyobozi w’Umujyi wa Kigali cyangwa w’Akarere hagati mu mwaka w’amashuri ku bw’inyungu z’akazi.

Umwarimu ntashobora kwimurwa atararangiza igihe cy’igeragezwa.

 651 total views,  1 views today

Share